Стань часткай гісторыі

Стрэліўшы са сваёй першай жа песняй «Абдымі мяне», Naviband досыць хутка прайшлі шлях ад перспектыўных маладых музыкаў, да аб'яднаўшых усю нацыю фіналістаў конкурсу «Еўрабачанне».

А пазней, ад галоўных поп-зорак, якія выступаюць на самых буйных сцэнах Беларусі, да аднаго з самых забароненых гуртоў у краіне, чые песні і канцэрты дагэтуль перакрэслены дыктатарскім рэжымам пасля пратэстаў 2020-га.

Тым не менш, пасля працяглага тура, адыграўшы за апошнія гады больш за 100 канцэртаў па ўсёй Еўропе, да свайго першага юбілею Naviband прыходзяць у сур'ёзнай форме і падораць гледачам як лепшыя хіты за ўсе 10 гадоў, так і зусім новыя песні, якія ўвойдуць у будучы альбом групы.

Насуперак усяму гісторыя Naviband працягваецца яшчэ ярчэй і вялікі юбілейны канцэрт у коле іх прыхільнікаў будзе таму самым моцным пацверджаннем.