Relikt & Syndrom Samazvanca

Гурты Relikt і Syndrom samazvanca зайграюць сумесны канцэрт-прэзентацыю

Спярша гурт Relikt выпусціў альбом "Былі. Ёсць. Будзем" з пераасэнсаваннем незалежнай беларускай сцэны 80-х - 90-х гадоў. Потым Syndrom samazvanca прыняў падачу і ў адказ запісаў альбом "Радыё Няміга" з уласнымі кавер-версіямі на легендарныя песні канца мінулага стагоддзя. Прыйшоў час сабраць гэты стракаты хіт-парад на адной сцэне.

Упершыню ў цэнтры Варшавы можна будзе пачуць песні Новага Неба і Уліса, Камелота і Сокалава-Воюша, Правакацыі і Мясцовага часа, але ў сучаснай інтэпрэтацыі. Ад рок-баладаў і псіхадэлічных заплываў да сёрфу і нью-вэйву.

Калі вы не ведаеце гэтых назваў і імён, то вам можна толькі пазайздросціць, бо вас чакае вечар адкрыццяў.

Дзверы: 19: 00

Пачатак: 19:30

Мова мерапрыемства: беларуская